Vire tla diversité - promöie l'inclujiun

Vigni möta y möt é unich, cun esperiënzes, bojëgns y contesć de vita individuai. Te nostes scolines tolunse sö la diversité te na manira daverta, cun respet y na vijiun pedagogica tlera: dötes le mitans y düc i mituns dess se sintí tuc sö, reconesciüs y pert integranta dl grup. I conscidrun la diversité na oportunité preziosa per imparé y crësce deboriada.

L’inclujiun é la condiziun fondamentala per garantí la partezipaziun de düc. Al n'ó nia dí traté düc anfat, mo pité trus desfarenziá y n sostëgn miré, aladô di bojëgns de vignun, cun le fin da garantí a düc les medemes oportunités de formaziun.  

N contest inclusif se manifestëia te tröc aspec: te n lingaz acort y respetus, te ambiënc formatifs daverc y flessibli, te relaziuns basades sön la crëta y te propostes de aprendimënt desvalies y significatives. L'inclujiun é n prozes che döra tresfora y che se damana n atejamënt tler, na colaboraziun y na reflesciun costanta. I metun regolarmënter en discusciun nüsc punc de odüda y i laurun por tó demez les barieres nia ma a livel fisich, mo ince te nostes manires da ponsé y da fá.